اهديك يازين قلبى هدية

اهديتلك يازين قلبي هديـــــــــــه ................ وش عاد تهدين
يازين لا مريت سلم عليــــــــــه ................ ياكامل الزيـــن
لو بصبعك يازين رد التحيـــــــه ............... ياداعج الــــعين
كويت قلبي كية فوق كيـــــــــــه ................من بين ضلعين
ياروح روحي رد روحي عليـــه ................ شفت العذابين
ارحم تراني زرت حوض المنيه ............... والموت قافين
واليا ذبحتيني بليا خـــــــــــــطيه ................ وش تستفيدين
رمح الهوى له قاعده عسكريه.................. بين الحجاجين
فيها صواريخ وفيها مدفعيـــــه .................. لك مستعدين
رميتني بالفرد والبندقيـــــــــــه ... ...............وانت متعدين
هذي طعونك بينات وخفيـــــــه ................. يوم انت ترمين
سلمت روحي رافع لك يديــــه .................. حسب القوانين
انا صويب وعلتي باطنيــــــــه .................... محد مداوين
الا انت يابو قذلة هلهليــــــــه ... ................بــدواك يشفين
ياغصن ورد في ذرا ظل فيــه ................. يشرب من العين
يشرب من الشلال صبح وعشيه ............... بين البساتين
يابو ثمان تقل ضيق برديـــــه ................... بين الشفاتين
لو شافوا العشاق ذبل شفيــه .................. صاروا مجانين
آمين رب البيت يصفاك ليــــه ................... ايضا قل آمين
ونعيش انا وياك عيشه هنيـه ................... رغم الحسودين
منساك انا مادامت الروح فيه................... لو كنت ناسين